Helgarfrí

Við áttum rosalega gott helgarfrí um helgina. Á laugardeginum kom hann Paul vinur okkar og sótti okkur til þess að fara með okkur niður í Nairobi að heimsækja ABC barnaþorpið. Við ætluðum að taka matatu en Joe ráðlagði okkur að fá fylgd þar sem þorpið er í mjög hættulegu hverfi. Við keyrðum í gegnum Nairobi og inn í „slömmið“ þar sem fólk býr í pínulitlum hjöllum úr bárujárni. ABC-þorpið er staðsett inn í þessu slömmi.

Skolastofa

Eldhusid

Þegar við komum tók á móti okkur ungur maður sem heitir Mike sem vinnur hjá ABC. Hann ólst sjálfur upp í slömmunu og hefur unnið fyrir samtökin s.l. ár. Hann fór í skiptinám til Íslands 2007 svo hann kunni smá íslensku og skírði 3 ára son sinn Halldór! Hann sýndi okkur þorpið sem samanstednur af skólastofum, heimavist og samkomusal. Heimavistarhúsin eru kynja- og aldursskipt. Í yngstu heimavistinnu (babyhouse) eru krakkar frá 2ja ára aldri, en stundum eru þarna enn yngri börn, þar eru þétt skipuð rimlarúm en í heimavistinni fyrir elstu krakkana má sjá plaggöt á veggjunum eins og í alvöru unglingaherbergi.

Í skólann fara bæði krakkar sem búa á heimavistinni en líka sem búa hjá foreldrum eða öðrum ættingjum. Þarna eru bæði krakkar sem eiga enga að en líka krakkar sem eiga ættingja sem eru ekki hæf til að hugsa um þau að einhverjum ástæðum. Sum hafa jafnvel fundist yfirgefin í ruslagámum.

Þegar við höfðum fengið túr um svæðið fengum við rosalegar móttökur í samkomusalnum. Krakkar á öllum aldri voru með atriði, bæði söngur og dans, þetta eru ótrúlega hæfileikaríkir krakkar. Að lokum vorum við beðin um að fara upp á svið að kynna okkur og krakkarnir vildu að við myndum syngja líka, svo við sýndum snilldar takta og tókum „Krummi svaf í klettargjá“. Við afhentum svo boli, derhúfur, litabækur og liti frá Landsbankanum en við höfðum komið með stútfulla tösku af þessu góssi. Það var ótrúlega skemmtileg stemming í salnum og allir lifðu sig vel í atriðin og við skemmtum okkur konunglega og vorum hrærð yfir þessum móttökum. 

,,Baby house" med songatridi

Gjafirnar fra okkur

Samkomusalurinn

 Eftir að krakkarnir höfðu fengið hádegismat lékum við við þau það sem eftir lifði dags og þau sýndu okkur um. Þessi yngstu vildu láta halda á sér og leiða sig, og hinu elstu töffarar laumuðu nú líka litlum höndum í stóra lófa. Þau töluðu flest  mjög góða ensku, nema þau allra yngstu sem voru ekki komin svo langt. Þau voru rosalega kurteis og áhugasöm. Mjög metnaðarfull í námi og höfðu mörg stór plön fyrir framtíðina. Þarna eru krakkarnir þakklátir fyrir menntun sína og leggja sig mikið fram.

Uppáhalds leiksvæðið þeirra var uppi á þaki á aðalbyggingunni en hún er steypt en ekki úr bárujárnsplötum eins og heimavistinar. Það er verið að byggja ofan á aðalbygginguna svo „leiksvæðið“ er í raun byggingasvæði, ekkert handrið við stigann eða á þakinu sjálfu og naglar stóðu út í loftið út um allt. Strákarnir voru búnir að gera vegasalt úr múrsteinum og spýtu og stelpur léku sér í brennó með „bolta“ sem þær höfðu búið til með því að setja sand inn í lítinn plastpoka. Krakkarnir sungu líka og dönsuðu, spiluðu fótbolta og fleira.

Það var mjög erfitt að kveðja þessi yndislegu börn, og það voru tárvot augu sem kvöddu þennan laugardagseftirmiðdag.

Við vonum að sem flestir gerist styktarforeldrar barna í ABC, en skólinn er að langmestuleiti styrktur af íslendingum. Það er ómetanlegt að geta veitt börnum annað tækifæri í lífinu.

Mikid sungid og dansad

Med taktana alveg a hreinu

Stund milli strida

 Á sunnudeginum tókum við matatu með þýskri vinkonu okkar, Nadine í miðbæ Nairobi og við fórum á Masai markað. Þar er hægt að fá hina ýmsu minjagripi og þeir eru margir mjög fallegir. Það eru mjög ágengir menn sem eru á markaðnum sem stunda það að elta fólk og fá það til að versla þannig að maður þarf að vera ansi harður til að losna við þá og fá að versla í friði.

Við keyptum ýmislegt fallegt á slikk eftir mikið þras og prútt. Við fengum okkur svo að borða á veitingastað þar sem máltið með gosi kostar um 500kr!

 

Við enduðum svo daginn á því að fara í gíraffamiðstöð þar sem verið er að forða ákveðinni gíraffategund frá útrýmingahættu. Þar fengum við að gefa gíröffunum nammi og klappa þeim og var þetta skemmtilegur endir á góðum degi.

Ps. nu er audveldara ad skilja eftir comment her ad nedan, en tha velur madur Name/URL til ad skrifa nafnid sitt, thad er otharfi ad setja eitthvad i URL gluggann. Einnig er haegt ad commenta undir Anonymous :)